Kanadada havanı çirkləndirən meşə yanğınlarının tüstüsü səbəbindən ABŞ-ın Nyu-York ştatında bəzi məktəblər bağlanıb.
Bu barədə İnterpress.az xarici mediaya istinadən xəbər verir.
Kanadada baş verən meşə yanğınlarından sonra Nyu-Yorkun Long Island bölgəsindəki iki məktəb rəhbərliyinə bağlı ibtidai təhsil müəssisələri qeyri-sağlam hava şəraiti səbəbindən təhsili dayandırıb.
Təhsili davam etdirən məktəblər açıq hava fəaliyyətini məhdudlaşdırmağa qərar verib.
Freeport və Long Beach bölgələrindəki məktəblər də təhsili dayandırıb.
Regiondakı Molly College və Adelphi Universiteti də bu gündən etibarən kampuslarını bağlayacaqlarını açıqlayıb.
Səhiyyə rəsmiləri qeyd ediblər ki, havanın tənəffüsünə görə gözlərin yanması, nəfəs darlığı, öskürək və asqırma kimi simptomlar görünə bilər.
Səlahiyyətlilər vətəndaşları evdə qalmağa və kondisionerdən istifadə etməyə çağırıb.
Nyu York qubernatoru Keti Hochul dünən bir milyon N95 maskasının paylandığını açıqlayıb.
Kanadada 400-ə yaxın meşə yanğını hələ də aktiv olsa da, 26 mindən çox insan təhlükəsiz ərazilərə təxliyə edilib.
Kanadada meşə yanğınlarının tüstüsü ABŞ-a çatdığı üçün səlahiyyətlilər havanın keyfiyyəti ilə bağlı xəbərdarlıq edir.
Havanın keyfiyyətinin aşağı düşməsi səbəbindən Nyu Cersi və paytaxt Vaşinqton D.C. O cümlədən bir çox ştat və ərazilərdəki məktəblərdə tələbələr üçün sinifdənkənar fəaliyyətlər də ləğv edilib
