“Türkiyə Prezidenti Rəcəb Tayyib Ərdoğan Bakıdadır. Ənənənin davam etdirilməsi məqsədi daşıyan bu səfər müzakirə ediləcək məsələlər və bölgədəki hadisələrin inkişafına yön vermək baxımından da əhəmiyyətlidir”.
İnterpress.az xəbər verir ki, bunu siyasi şərhçi Asif Nərimanlı bildirib.
“Qarabağda separatçılar üçün “amnistiya planı” və son günlər intensivləşən təxribatlar, Azərbaycan-Ermənistan sərhədində gərginlik, Sülh sazişi üzrə aparılan danışıqlar və s. Əliyevlə Ərdoğanın bu məsələləri də müzakirə edəcəyi və atılacaq addımlarla bağlı “saatları yoxlayacağı” istisna deyil. Şübhəsiz ki, separatçıların artan təxribatlarının cavabsız qalmayacaq. Bakının gözləməsinə səbəb Türkiyədəki seçkilər idi. Artıq proses arxada qalıb və Ərdoğanın səfərindən sonra praktiki addımların atılması ehtimalı da ön plana çıxır”, – o əlavə edib.
