Avropa İttifaqı (Aİ) sərmayələri artırmaq və kapital bazarını yaxşılaşdırmaq üçün vergi tutulması sistemini dəyişməyə hazırlaşır.
Bu barədə İnterpress.az xarici mediaya istinadən xəbər verir.
Aİ Komissiyası, vergi tutma prosedurlarını daha effektiv və təhlükəsiz etmək üçün hazırladığı yeni qaydaları ehtiva edən tənzimləmə təklifini açıqlanıb.
Müvafiq olaraq, Aİ rəqəmsal vergi idarəsinin birgə sertifikatı hazırlanacaq. Bu sertifikatla vergi tutmalarının azaldılması əməliyyatları daha sürətli və səmərəli həyata keçiriləcək.
Bir neçə Aİ ölkəsində investisiya portfeli olan şəxslər eyni təqvim ili ərzində bir neçə gəliri geri almaq üçün yalnız bir rəqəmsal vergi rezidentliyi sertifikatından istifadə edəcəklər.
Aİ ölkələri arasında fərqli olan vergi tutma prosedurları standartlaşdırılacaq. Üzv ölkələr iki vergi tutma sistemi arasında seçim edəcəklər.
“Mənbədə azalma” proseduruna əsasən, dividendlər və ya faizlər ödənilərkən tətbiq edilən vergi dərəcəsi birbaşa ikiqat vergitutma haqqında müqavilənin müddəalarında göstərilən qaydalara tabe olacaq.
Bu çərçivədə səhmlərə dividendlər ödənilən kimi müvafiq vergi dərəcəsi çıxılacaq.
Digər variant olan “sürətli geri qaytarma” proseduru çərçivəsində ilk ödəniş dividend və ya faizin ödənildiyi üzv ölkədəki vergi dərəcəsi nəzərə alınmaqla həyata keçiriləcək. Artıq ödənilmiş vergilər 50 gün ərzində tutulacaq.
Yeni tutulan vergi sistemi ədalətli vergitutmanı təşviq edəcək, vergidən yayınmaya qarşı mübarizəni gücləndirəcək və Aİ ölkələrində investisiyaları dəstəkləyəcək.
Hazırda Aİ ölkələrində vergi tutulması prosedurları əhəmiyyətli dərəcədə fərqlənir. Geri qaytarma prosedurları uzun və baha başa gələn bir proses olduğundan investorları tez-tez çəkindirir.
Yeni qaydaların üzv dövlətlərin təsdiqindən sonra 2027-ci ilin əvvəlində qüvvəyə minməsi gözlənilir.
