Hindistanın Müdafiə Təchizat Şurası (DAC) Baş nazir Narendra Modinin səfər edəcəyi ABŞ-dan uzun müddət yüksəklikdə uça bilən 3 milyard dollar dəyərində 31 pilotsuz uçuş aparatının (PUA) alınmasını təsdiqləyib.
Bu barədə İnterpress.az xarici mediaya istinadən xəbər verir.
Hindistanın müdafiə naziri Rajnath Singhin sədrlik etdiyi Müdafiə Təchizat Şurası ölkənin dəniz və quru müdafiəsini gücləndirmək üçün alınacaq 15 ədəd “MQ-9B SeaGuardians” və 16 ədəd “MQ-9B SkyGuardians” pilotsuz uçuş aparatının alınmasını təsdiqləyib.
Maraqlıdır ki, təsdiqləmə qərarı Modinin ABŞ-a səfərindən əvvəl verilib.
Modinin ABŞ prezidenti Co Baydenlə görüşü zamanı tərəflərin Hindistanda reaktiv mühərriklərin birgə istehsalı və PUA-ların alınmasını əhatə edən sazişi rəsmən elan edəcəyi gözlənilir.
Alınması təsdiqlənmiş 31 PUA-nın dəyəri 3 milyard dolları keçəcək.
İlk göndərişin 10 ədədlə məhdudlaşdırılması gözlənilsə də, çatdırılma tarixi hələ məlum deyil. Növbəti mərhələdə pilotsuz təyyarələrdə istifadə olunacaq raketlər və bombalar göndəriləcək.
Modi hökuməti bütün İHA və sursatları birbaşa ABŞ-dan almaq əvəzinə, avtomobillərdə istifadə olunacaq sursatların Hindistanda istehsal edilməsini təklif edəcək.
Adının açıqlanmasını istəməyən mənbələr bildiriblər ki, pilotsuz uçuş aparatlarının hamısı ABŞ-da istehsal olunmayıb.
