Qlobal Meşə Nəzarəti (GFW) məlumatlarına əsasən, 2022-ci ildə dünyada hər 1 dəqiqədə 11 futbol meydançası məhv edilib.
Bu barədə İnterpress.az xarici mediaya istinadən xəbər verir.
Dünya Resursları İnstitutu tərəfindən dəstəklənən onlayn meşə monitorinqi və xəbərdarlıq platforması olan GFW tərəfindən 2022-ci ilin təhlili, beynəlxalq ictimaiyyətin 2021-ci ildə Birləşmiş Millətlər Təşkilatının 26-cı İqlim Dəyişikliyi Konfransında (COP26) imzalanmış Qlazqo Bəyannaməsi hədəflərindən geri qaldığına diqqət çəkib.
Dünya Resursları İnstitutunun Meşə Təsərrüfatı Proqramının direktoru Rod Taylor deyib: “Biz 2030-cu ilə qədər meşələrin qırılmasını dayandırmaq yolundayıq? Qısa cavab sadə bir xeyrdir”.
2022-ci ildə meşələrin qırılmasının 2030 hədəflərinə çatmaq üçün lazım olan səviyyədən 1 milyon hektar çox olduğunu ifadə edən Taylor, tendensiyanın “yanlış istiqamət” olduğuna diqqət çəkib.
Məlumata görə, keçən il hər dəqiqə 11 futbol meydançası böyüklüyündə meşə sahələri məhv edilib.
Kəsilməsi və ya yandırılması nəticəsində məhv edilən meşə sahələri 4 milyon hektara çatıb.
Ən çox dağıntıya məruz qalan ölkə 1,77 milyon hektarla Braziliya, sonra 513 min hektarla Konqo Demokratik Respublikası, 386 min hektarla Boliviya və 230 min hektarla İndoneziya olub.
