ABŞ-da vətəndaşlıq imtahanlarının 15 ildən sonra gələn il yenilənəcəyi açıqlanıb.
Bu barədə İnterpress.az xarici mediaya istinadən xəbər verir.
ABŞ Vətəndaşlıq və İmmiqrasiya Xidmətləri (USCIS) vətəndaşlıq üçün mövcud test sisteminin ingilisdilli hissəsinin yenilənməsini təklif edib.
Cari imtahanda iştirakçılardan nitq qabiliyyətinin ölçüldüyü yazılı bölmədə cavablandırdıqları suallara şifahi cavab vermələri xahiş olunur.
USCIS tərəfindən təklif edilən düzəlişlə, danışıq testi iştirakçılardan gündəlik həyatın fotoşəkillərini göstərməklə ingilis dilində onu təsvir etmələrini tələb edəcək.
O, bu kontekstdə ediləcək yeniləmənin ictimaiyyətdən rəy almaq üçün bu il ölkə daxilində sınaqdan keçiriləcəyini bildirib.
İmtahanda ediləcək digər dəyişiklik isə vətəndaşlıq bölməsində şifahi sualların çox seçimli yazılı imtahan kimi tətbiqi olacaq.
İyun ayında vətəndaşlıq alan Efiopiya əsilli 32 yaşlı Heaven Mehreta ingilis dilinin ən çətin hissəsinin tələffüz olduğunu və növbəti yeniləmənin imtahanı daha da çətinləşdirəcəyini bildirib.
5 il əvvəl İsraildən ABŞ-a mühacirət edən Şai Avni ana dili ingiliscə olmayan immiqrantlar üçün imtahan rəsmiləri ilə ünsiyyətin çətinliyinə də diqqət çəkib.
Rəsmilər dekabr ayında bildiriblər ki, 2008-ci ildən bəri yenilənməmiş testlər ABŞ prezidenti Co Bayden keçmiş prezident Donald Trampın 2020-ci ildə tətbiq etdiyi bu testlərə edilən dəyişiklikləri geri götürdükdən sonra dəyişikliklərə məruz qalacaq.
USCIS dekabr ayında dəyişikliklərin testlərin standartlaşdırılmasında mühüm addım olacağını söyləyib.
