Böyük Britaniyanın aparıcı hava yollarından biri olan EasyJet bu ilin sentyabr ayına qədər 1700 uçuşu ləğv etmək qərarına gəldiyini açıqlayıb.
Bu barədə İnterpress.az xarici mediaya istinadən xəbər verir.
Şirkətdən verilən açıqlamada bu ilin iyul, avqust və sentyabr aylarında paytaxt Londondakı Gatwick hava limanından planlaşdırılan ümumilikdə 1700 uçuşun ləğv edilməsinə qərar verildiyi bildirilib.
Bəyanatda uçuşların təxirə salınmasına səbəb kimi Avropa hava məkanında tıxac və hava hərəkətinə nəzarətdəki çətinliklər göstərilib.
Açıqlamada, ləğvlərdən təsirlənən sərnişinlərin 95 faizinin başqa reyslərə köçürüldüyü bildirildi və davam edən müharibə səbəbiylə Ukrayna hava məkanının uçuşlara bağlanması səbəbiylə bu yay hava yolu şirkətlərinin çox çətin şərtlərlə üzləşdiyi qeyd edilib.
