Tayvan Çin Xalq Azadlıq Ordusuna (ÇXR) aid 13 hərbi təyyarənin adanın ətrafında uçuş etdiyini açıqlayıb və Pekinin fəaliyyətlərini izləmək üçün bölgəyə döyüş təyyarələri, hərbi dəniz gəmiləri və raket sistemlərinin göndərildiyini qeyd edib.
Bu barədə İnterpress.az xarici mediaya istinadən xəbər verir.
25 iyul saat 06:00-dan 26 iyul saat 06:00-a qədər Tayvan ətrafında uçan 13 Çin hərbi təyyarəsi müşahidə edilib.
Çin hərbi təyyarələri bu müddət ərzində Tayvan boğazının orta xəttini keçməyib və 13 hərbi təyyarədən 2 Chengdu J-10 və 1 KJ-500 hava erkən xəbərdarlıq və nəzarət təyyarəsi Tayvanın “Hava Hücumundan Müdafiə Müəyyənetmə Bölgəsi” elan edilib.
Tayvanın Pekinin fəaliyyətlərini izləmək üçün bölgəyə döyüş təyyarələri, donanma gəmiləri və raket sistemləri göndərdiyi açıqlanıb.
Xəbərdə Çinin iyul ayında Tayvan ətrafında patrul xidmətinə 406 hərbi təyyarə və 156 gəmi göndərdiyi bildirilib.
Çinin öz ərazisinin bir hissəsi kimi müdafiə etdiyi Tayvan 1949-cu ildə Çin Xalq Respublikasının yarandığı vaxtdan de-fakto müstəqillik əldə edib. Çin və Tayvan arasında vətəndaş müharibəsindən sonra yaranan ayrılıq hələ də davam edir.
Pekin “Vahid Çin” prinsipini vurğulayaraq Tayvanın dünya ölkələri ilə müstəqil diplomatik əlaqələr qurmasına, Birləşmiş Millətlər Təşkilatında və digər beynəlxalq təşkilatlarda təmsilçiliyinə qarşı çıxır və onu tanıyan dövlətlərin Tayvanla diplomatik əlaqələri kəsməsini şərt qoyur.
