Türkiyədə Malatyanın Darende rayonunda kənd təsərrüfatı işçilərini daşıyan mikroavtobusla minik avtomobilinin toqquşması nəticəsində 9 nəfər xəsarət alıb.
Bu barədə İnterpress.az yerli mediaya istinadən xəbər verir.
Malatya-Kayseri yolunun Günpınar qovşağında kənd təsərrüfatı işçilərini aparan Abit A.-nın idarəsindəki mikroavtobus Hatəm B-nin istifadə etdiyi avtomobillə toqquşub.
Hadisə yerinə polis, yanğınsöndürənlər və tibb işçiləri göndərilib.
Qəza nəticəsində mikroavtobusda olan sürücülər və kənd təsərrüfatı işçiləri də daxil olmaqla 9 nəfər xəsarət alıb.
Yaralılar hadisə yerində edilən ilk müdaxilənin ardından təcili yardım maşınları ilə rayon xəstəxanasına aparılıb. Yaralıların səhhətinin yaxşı olduğu öyrənilib.
