Türkiyədə toyuq və düyü yediyi üçün zəhərlənən 90 nəfər xəstəxanaya yerləşdirilib
Bu barədə İnterpress.az yerli mediaya istinadən xəbər verir.
Hadisə Dənizlinin Merkezəfəndi mahalında baş verib.
5 gün əvvəl dünyasını dəyişən qadın üçün təşkil edilən məclisdə toyuq və düyüdən ibarət ehsan verilib.
Məclisdə ehsan yeyən 90 nəfər zəhərlənib.
Belə ki, 1 saatdan sonra düyü yeyən bəzi insanlarda ürəkbulanma və qarın ağrıları başlayıb.
Səhhəti getdikcə pisləşən həmin şəxslər xəstəxanalara yerləşdirilib.
Hadisə ilə bağlı araşdırmalara başlanılıb.
