Kosovonun baş naziri Albin Kurti bir polisi öldürən hücumçulardan 3-nün zərərsizləşdirildiyini açıqlayıb.
Bu barədə İnterpress.az xarici mediaya istinadən xəbər verir.
Kurti səhər saatlarında Kosovonun şimalında silahlı serb qruplaşmasının açdığı atəş nəticəsində həyatını itirən polis məmuru Afrim Bunjaku üçün keçirilən anım tədbirində açıqlama verib.
Önümüzdəki dövrdə şübhəli hücumçularla bağlı daha çox məlumatın ortaya çıxmasını gözlədiklərini ifadə edən Kurti deyib: “İndi məlum olan odur ki, terror hücumunu həyata keçirən və Afrimi vəhşicəsinə öldürən xarici peşəkar ordu və ya polis quruluşunun üzvləri var. Onlardan 3-nü öldürdük, yaralananlar və saxladığımız şəxslər var. İnanıram ki, növbəti proses bizə onların tam olaraq kim olduqları, Kosovoya necə daxil olduqları, sabitliyi pozmaq üçün bu nəhəng cəhdin komandirləri və liderlərinin kimlər olduğu barədə daha çox məlumat verəcək. Kosovo Respublikasıdır”.
Bu günə qədər öyrəndiyimiz, daha əvvəl düşündüyümüz kimi, bu gün etdiklərini uzun müddətdir planlaşdırıb hazırlayan və bu hücumu planlaşdıran peşəkar bir terrorçu/cinayətkar quruluşdur:
“Onlar qaçaqmalçılıq şəbəkəsini deyil, rəsmi Belqrad tərəfindən siyasi, maliyyə və maddi-texniki cəhətdən dəstəklənən muzdlu strukturu təmsil edirlər”.
Kosovo Daxili İşlər Nazirliyi iki nəfərin saxlanıldığını, digər hücum edənlərin axtarışlarının davam etdirildiyini bildirib.
