Gürcüstanın Azərbaycandan idxal etdiyi yanacağın həcmi açıqlanıb. Son 2 ayda Gürcüstanda yanacağın qiyməti artıb və neft idxalçıları bunu Rusiyada gedən proseslərlə izah edirlər.
İnterpress.az xəbər verir ki, bunu ölkənin baş nazirinin fərmanı da təsdiqləyir, ayrı-ayrı hallar istisna olmaqla, Rusiyadan yanacağın ixracına müvəqqəti qadağa qoyulub və buna səbəb kimi daxili bazarda qiymətlərin stabilləşməsi göstərilib.
Neft idxalçıları mənfi təsirləri inkar etmirlər, xüsusən də ucuz yanacağın yeganə mənbəyi Rusiya idi. Bununla belə, onlar həmçinin qeyd edirlər ki, ölkə qıtlıqla üzləşməyəcək, çünki beynəlxalq bazarlarda çoxlu alternativlər olacaq. Türkmənistan, Rumıniya, Yunanıstan, Bolqarıstan bu mərhələdə yanacaq idxalının nəzərdən keçirildiyi ölkələrdir.
Sakstat-ın məlumatına görə, 2023-cü ilin yanvar-avqust aylarında Gürcüstana ümumilikdə 916 759 ton (716 219 milyon ABŞ dolları) yanacaq daxil olub ki, bunun da təxminən 68%-i Rusiyadan gəlib.
Daha dəqiq desək, bu ilin 8 ayında yanacaq idxal edilən ilk 5 ölkə bunlardır:
Rusiya – 622 697 ton (435 049 milyon ABŞ dolları), belə çıxır ki, Gürcüstan 1 ton yanacağı orta hesabla 698,6 ABŞ dollarına, litrini isə 0,69 ABŞ dollarına alıb.
Rumıniya – 116 833 ton (100,328 milyon ABŞ dolları) – orta hesabla 1 ton 858,7 ABŞ dolları – 1 litr 0,85 ABŞ dolları
Azərbaycan – 52 945 ton (52 945 milyon ABŞ dolları) – orta hesabla 1 ton 829,9 ABŞ dolları, 1 litr 0,82 ABŞ dolları
Türkmənistan – 48 893 ton (39 547 milyon ABŞ dolları) – orta hesabla 1 ton 808,8 ABŞ dolları, 1 litr 0,80 ABŞ dolları
Belarus – 16,686 ton (13,063 milyon ABŞ dolları) – orta hesabla 1 ton 782,9 ABŞ dolları, 1 litr 0,78 ABŞ dolları.
