Rusiya və Gürcüstan arasında yerləşən “Verxniy Lars” keçid məntəqəsində qumbaraatan mərmisi aşkar edilib.
Bu barədə İnterpress.az xarici mediaya istinadən xəbər verir.
Şimali Osetiyada “Verxniy Lars” nəzarət-buraxılış məntəqəsinin şimal tərəfində ekskavator yolu genişləndirmək üçün işləyərkən “VOQ-25” tipli qumbaraatan mərmisi tapılıb.
Hadisə yerinə ekspertlər cəlb olunub, mərmi zərərsizləşdirilib.
Rusiya hüquq mühafizə orqanları mərminin Rusiya-Gürcüstan sərhədinə necə düşdüyünün məlum olmadığını bildirib.
