Həmas ərəb ölkələri, İslam dünyası və BMT-ni yanacaq tədarükü üçün çağırıb.
Bu barədə İnterpress.az xarici mediaya istinadən xəbər verir.
Yanacaq tədarükü ilə bağlı hər hansı səhlənkarlığa dair xəbərdarlıq edən Həmas bu vəziyyətin xəstəxanalarda xəstələrin və yaralıların ölümünə səbəb olacağına diqqət çəkib.
Digər tərəfdən bölgədəki səhiyyə mənbələrindən alınan məlumata görə, bir çox xəstəxanalarda yanacaq bitdiyi üçün elektriklər kəsilib.
Elektrik enerjisinin olmaması səbəbindən xəstələrin ölüm təhlükəsi ilə üzləşdiyi bildirilib.
Şifa Xəstəxanasının direktoru Məhəmməd Əbu Silmiyye Əl-Cəzirə kanalına verdiyi açıqlamada Qəzzaya yanacaq axını olmadığı təqdirdə böyük bir fəlakət olacağını bildirib.
