Fövqəladə Hallar Nazirliyindən (FHN) verilən məlumata görə, səhər saatlarında Səbail rayonunda beşmərətəbəli yaşayış binasının pilləkən qəfəsinin 3-cü mərtəbəsində quraşdırılmış 6 ədəd elektrik sayağacı yanıb. Hadisə yerinə dərhal FHN qüvvələri cəlb edilib. Yaxınlıqdakı mənzillər yanğından mühafizə olunub.
Yanğın saat 09:25-də yanğınsöndürənlər tərəfindən söndürülüb.
Digər bi yanğın faktı isə paytaxtda gündüz saatlarında qeydə alınıb. Belə ki, Suraxanı rayonunda vətəndaşa məxsus tikintisi başa çatmayan, ümumi sahəsi 80 kv.m olan birmərtəbəli 2 otaqlı evin 1 otağının, mətbəxinin yanar konstruksiyaları və dam örtüyü 30 kv.m sahədə yanıb. Evin qalan hissəsi yanğından mühafizə olunub.
Yanğın saat 12:51-də yanğınsöndürənlər tərəfindən söndürülüb.
İnterpress.az
