NATO Yaxın Şərq ölkələri ilə əlaqə saxlamaq üçün İordaniyanın paytaxtı Əmmanda nümayəndəlik açacaq.
İnterpress.az xəbər verir ki, bu barədə “The National”a NATO-nun Afrika və Yaxın Şərq üzrə xüsusi nümayəndəsi Xavyer Kolomina məlumat verib.
“Bu səfirlik bizə siyasi məlumat toplamaqda kömək edəcək”, – o deyib.
Qeyd olunur ki, ofis krallığın paytaxtı Əmman şəhərində yerləşəcək.
Bundan əvvəl Pentaqonun rəhbəri Lloyd Ostin bildirib ki, Birləşmiş Ştatlar “hərarətin aşağı salınması” və təhdidlərə cavab vermək üçün Yaxın Şərqdə yeni qüvvələrin yerləşdirilməsinə hazırdır.
Xuraman Etibarlı
İnterpress.az
