Bakının mərkəzi küçələrində fasiləsiz hərəkəti təmin etmək məqsədilə hazırlanan Nəqliyyatın İdarə Olunması Planına əsasən trekin yaxınlığından keçən avtobuslar 20 saat xidmət göstərəcək. 5, 53 və 65 saylı xətt üzrə hərəkət edən avtobusların hərəkət istiqaməti və intervalı dəyişəcək.
Belə ki, 5 nömrəli xətt Nizami küçəsinədək, 53 nömrəli Bakı Əl Oyunları Sarayınadək, 65 nömrəli marşrutun avtobusları isə Azərbaycan prospektinədək hərəkət edəcək. Trekə 5 nömrəli avtobusla getmək istəyənlər Rəşid Behbudov ilə Nizami küçələrinin kəsişməsində, 53 nömrəli avtobus vasitəsilə Bakı Əl Oyunları Sarayının qarşısında, 65 nömrəli avtobusla gedənlər isə Azərbaycan prospektində Mərkəzi Univermağın yaxınlığında yerləşən dayanacaqda enərək tribunaya qədər piyada getməlidirlər.
Bu stansiyalarda gecə saat 2-dək girişə icazə veriləcək. Digərlərində isə 12-dək giriş, 2-dək çıxış mümkün olacaq.
İnterpress.az
