Azərbaycan Respublikası Mədəniyyət və Turizm Nazirliyinin maliyyə dəstəyi və Gələcəyə Doğru Təşəbbüskar Tələbə Gənclər İctimai Birliyinin təşkilatçılığı “Gənclər üçün Turizm və Mədəniyyət Düşərgəsi” adlı layihə həyata keçirilir.
Layihə çərçivəsində müxtəlif ali və orta ixtisas təhsil müəssisələrinin tələbələrinin iştirakı ilə düşərgə təşkil olunacaq. İştirakçılar turizm sahəsində nəzəri və praktiki biliklərinin artırılması, yüksək səviyyəli xidmətin təşkili, ölkəmizin turizm potensialı, beynəlxalq turizm və s. istiqamətlər üzrə maarifləndiriləcəkdir.
Layihənin Göyçay şəhərində iyun ayı ərzində keçirilməsi planlaşdırılır. Layihədə iştirak edəcək 20 gənc üçün təşkil edilən təlimlər aşağıdakı mövzuları əhatə edəcək:
– Turizm işinin təşkili
– Yerli və beynəlxalq turizmin qarşılıqlı vəhdəti
– Etik davranış qaydaları
– Motivasiya və uğur formulu
– Liderlik bacarıqlarının formalaşdırılması
– Natiqliq və ünsiyyətin qurulması
– Bədən dili
– İctimaiyyətlə əlaqələr
Gələcəyə Doğru Təşəbbüskar Tələbə Gənclər İctimai Birliyi son illərdə bir çox yerli və beynəlxalq layihələrin iştirakçısı və ya təşkilatçısı və Ukraynada, Türkiyədə, Polşada, Almaniyada, Moldovada, Rusiyada və Qırğızıstanda olan beynəlxalq tədbirlərdə istər “Youth in Action”, istərsə də digər sahəli forum və seminarlarda ölkəmizi layiqincə təmsil edib.
Gələcəyə Doğru TTGİB-in həyata keçirdiyi “İnformasiya Beyinləri Düşərgəsi”, “Regionlarda Məktəblər arası İT” yarışması, “Menecmentlik Praktikada”, “Gələcəyin İxtisas Sahibləri” layihələri çox böyük kütlələri əhatə edib və ölkə miqyasında işıqlandırılmışdır.
İnterpress.az
