Məşhur rusiyalı döyüşçü Aleksandr Yemelyanenko onurğasındakı problemlərə görə yenidən xəstəxanaya yerləşdirilib.
İnterpress.az xəbər verir ki, bu barədə TASS agentliyi məlumat yayıb.
Rusiyanın tanınmış qarışıq döyüş növləri (MMA) idmançısı Aleksandr Emelyanenko belində yaranan kəskin problemlər səbəbindən yenidən xəstəxanaya yerləşdirilib. Bu barədə məlumatı idmançının komandası açıqlayıb.
Verilən məlumata görə, 44 yaşlı idmançının onurğa sütunundakı ağrıları yenidən kəskinləşib və o, təcili müayinə və müalicə üçün klinikaya çatdırılıb.
Qeyd edək ki, Yemelyanenko keçən il (2025-ci il) onurğa sütunundan ağır cərrahiyyə əməliyyatı keçirmişdi. Əməliyyatdan sonra o, reabilitasiya dövründə müəyyən müddət əlil arabasında hərəkət etmək məcburiyyətində qalmışdı.
İdmançının yaxınları hazırda onun vəziyyətinin ciddi nəzarət altında olduğunu, lakin həyatı üçün hər hansı təhlükənin olmadığını bildiriblər.
Səhhətində yaranan bu fəsadlar səbəbindən onun yaxın gələcəkdə planlaşdırılan döyüşlərinin təxirə salınması məsələsi nəzərdən keçirilir.
Xuraman Etibarlı
İnterpress.az
