Böyük Britaniyada idman zalında gənc ağır çəki qaldırarkən qolunu sındırıb.
İnterpress.az xəbər verir ki, bu barədə “Daily Mail” məlumat yayıb.
Böyük Britaniyada fəaliyyət göstərən idman zallarının birində səs-küylü və olduqca dəhşətli bədbəxt hadisə baş verib. Gənc oğlan sosial şəbəkə hesabında paylaşmaq məqsədilə ağır çəki qaldırma anını videoya çəkmək istəyib.
Kameraların obyektivinə isə yalnız idmançının qəfildən qolunun sındığı qorxulu və dramatik anlar tuş gəlib. O, ağır çəkini yuxarı qaldırmağa çalışarkən qolunun sümüyü güclü təzyiqə dözməyərək qırılıb.
Hadisə yerində olan digər idmançılar və təlimçilər dərhal gəncə ilkin tibbi yardım göstərib və təcili yardım çağırıblar.
Ağır qırıq xəsarəti alan gənc dərhal yaxınlıqdakı xəstəxanalardan birinə çatdırılıb və təcili əməliyyat olunub.
Şahidlərin yaydığı görüntülər sosial şəbəkələrdə qısa müddətdə böyük izləyici kütləsi toplayaraq viral olub.
Mütəxəssislər idmanla məşğul olan şəxsləri, xüsusən də gəncləri sosial şəbəkələrdə populyarlıq qazanmaq məqsədilə öz fiziki güclərini aşan təhlükəli çəkiləri qaldırmamağa və təhlükəsizlik qaydalarına ciddi riayət etməyə çağırırlar.
Xuraman Etibarlı
İnterpress.az
