Dünyaca məşhur ifaçı Kris Braun Bakıda Formulıa 1-n ilk gününə həsr edilmiş konsertinə hərbi geyimdə çıxdı.
Verilən məlumatına görə, amerikalı müğənni, bəstəkar və rəqqas Formula 1 azarkeşlərini bir qədər gözlətsə də öz möhtəşəm şousuna başladı.
O, Formula 1 azarkeşlərinin qarşısında özünün “Yeah3x”, “Look At Me Now” və “Beautiful People” kimi məşhur hitlərini ifa edəcək.
Bakıda Formula-1 Avropa Qran-prisinə start verilib. Avropa Qran-prisinə dəstək olaraq GP2 seriyasının 12-ci mövsümünün növbəti mərhələsi başlayıb. Ən güclü seriyalardan olan GP2 bir çox sürücülərin Formula-1-də debütü üçün son mərhələ hesab edilir. Builki pelotonun tərkibində yer alan Niko Rosberq və Luis Hamilton daxil olmaqla 9 pilot vaxtilə GP2 seriyasında çıxış edib və bəziləri çempion olub.
Yarışın birinci sərbəst sessiyası
Gənc və istedadlı pilotların idarə etdiyi GP2 seriyası maşının görünüşü Formula-1 bolidini xatırlatsa da diqqətlə baxdıqdan sonra arada böyük fərq olduğu ortaya çıxır. GP2 bolidləri kiçikdir və antiqanadlar, ümumi aerodinamik elementlər daha sadədir. Onlar saatda 100 kilometr sürəti cəmi 2,9 saniyəyə yığmağa imkan verən 650 at gücündə 8 silindrli mühərriklə təchiz edilib. (ans)
İnterpress.az
