Türkiyə prezidenti Rəcəb Tayyib Ərdoğanın maraqlı fotoları üzə çıxıb. Fotolar Ərdoğan basketbol oynayarkən çəkilib.
Məlumata görə, prezident daha əvvəllər də müsahibələrində çəkisini qorumaq üçün müntəzəm olaraq idmanla məşğul olduğunu açıqlamışdı. Səhər saatlarında prezidentin basketbol oynayarkən çəkilmiş fotoları isə sosial şəbəkədə böyük maraqla qarşılanıb.
Daha əvvəl gənclərlə görüşündə tələbələrdən birinin \”idmanla məşğul olursunuzmu?\” sualını cavablandıran prezident basketbol, qaçış və ağırlıq qaldırma ilə məşğul olduğunu, səhərlər açıq havada idman etməyi sevdiyini bildirmişdi.
Rəcəb Tayyib Ərdoğan basketbol oynayarkən
Türkiyə prezidenti futbola olan marağı ilə bəllidir. Hətta gənc yaşlarında o futbolla peşəkar səviyyədə də məşğul olub. Bir vaxtlar onun \”Fənərbaxça\” klubuna transfer məsələsi gündəmə gəlsə də, indiki prezidentin atasının buna qarşı çıxması səbəbindən bu transfer reallaşmamışdı.
Bir neçə il əvvəl İstanbul Başak stadionunun açılış mərasimində meydana çıxan hazırki prezident 3 qol vurmağa müvəffəq olub.
Futbol matçına Bilal Ərdoğan, Acun İlıcalı, Fatih Terim, Yıldırım Demirörən, Tanju Çolak, Tolqahan Sayışman, Ridvan Dilmən, Kadir Topbaş, Yılmaz Ərdoğan, Əziz Babuşçu və Fəttah Canın da qatıldığı bir komanda da yaşıl meydana çıxmışdı. (ans)
İnterpress.azhttps://youtube.com/watch?v=gc08oH0hL2k
