ABŞ-ın Pensilvaniya ştatında leysan yağışlar nəticəsində baş verən seldə 3 nəfər həyatını itirərkən, 9 aylıq körpə də daxil olmaqla 4 nəfər itkin düşüb.
Bu barədə İnterpress.az xarici mediaya istinadən xəbər verir.
Pensilvaniya ştatında dünən gecədən başlayan güclü yağış daşqınlara səbəb olub.
Bəzi vasitələrin sürükləndiyi seldə 3 nəfər həyatını itirib, 9 aylıq körpə də daxil olmaqla 4 nəfər itkin düşüb.
Polis vətəndaşları axtarış-xilasetmə işlərinin aparıldığı ərazidən uzaq durmağa çağırıb.
Digər tərəfdən, Nyu-Yorkda yağan güclü yağışlar səbəbindən yüzlərlə reysin gecikdiyi və ya ləğv edildiyi bildirilib.
Milli Hava Xidməti (NWS) Konnektikut, Massaçusets ştatının qərbi, Vermont və Nyu-Hempşir üçün daşqın, Massaçusets və Nyu-Hempşir sərhədində tornado xəbərdarlığı edib.
