ABŞ-ın CBS News telekanalının rəsmi mənbələrə əsaslanaraq verdiyi xəbərə görə, Pxenyan Ukraynada istifadə üçün Rusiyaya ağır silahlar göndərməyə başlayıb.
Bu barədə İnterpress.az yerli mediaya istinadən xəbər verir.
Şimali Koreya lideri Kim Çen In və Rusiya prezidenti Vladimir Putinin keçən ay Vladivostokda keçirdiyi sammitin əks-sədaları davam edərkən, ABŞ mətbuatı Şimali Koreyanın Rusiyaya ağır silahlar göndərməyə başladığını iddia edib.
ABŞ rəsmisinə əsaslanan xəbərdə, transferin yeni və uzunmüddətli tədarük zəncirinin bir hissəsi, yoxsa daha məhdud bir göndərişin bir hissəsi olduğu bilinmədiyi, Şimali Koreyanın Rusiyadan qarşılığında nə aldığının hələ aydın olmadığı ifadə edilib.
