ABŞ-ın Federal Ticarət Komissiyası (FTC) texnologiya nəəngi olan “Microsoft”un kompüter oyunları şirkəti “Activision Blizzard”ı satın almasının qarşısını almaq üçün müvəqqəti həbs qətimkan tədbiri və məcburi yardım üçün məhkəməyə müraciət edib.
Bu barədə İnterpress.az xarici mediaya istinadən xəbər verir.
FTC-nin San-Fransisko federal məhkəməsinə etdiyi müraciətdə “Microsoft”un “Activision”u almasına icazə verildiyi təqdirdə bazarda rəqabətin pisləşəcəyi ilə bağlı narahatlıqların olduğu bildirilib.
Ərizədə rəqabətə zərər vurulmasının qarşısının alınması üçün müvəqqəti qərarın zəruri olduğu iddia edilərkən, məhkəmədən başqa yerə getməmək barədə qərar istənilib.
“Biz işimizi federal məhkəmədə təqdim etmək fürsətini alqışlayırıq. Biz inanırıq ki, ABŞ-da hüquqi prosesin sürətləndirilməsi son nəticədə bazara daha çox seçim və rəqabət gətirəcək”, – Microsoft-un vitse-prezidenti Bred Smit deyib.
Avropa İttifaqı satınalmanı təsdiqləyib, Böyük Britaniya onu bloklayıb.
Xbox oyun sisteminin istehsalçısı olan Microsoft 2022-ci ilin yanvar ayında “Call of Duty” və “World of Warcraft” kimi oyunların istehsalçısı “Activision Blizzard”ı təxminən 69 milyard dollara almaq planını açıqlayıb.
