ABŞ administrasiyası strateji neft ehtiyatı üçün avqust ayında tədarük olunacaq 3 milyon barrelə qədər xam neft alacağını açıqlayıb.
Bu barədə İnterpress.az xarici mediaya istinadən xəbər verir.
Benzinin qiymətinin aşağı düşməsinə kömək etmək üçün keçən il strateji neft ehtiyatından xam neft satan ABŞ ehtiyatlarını artırmaq üçün xam neft almağa davam edir.
ABŞ Energetika Nazirliyindən avqust ayında tədarük üçün 3 milyon barrelə qədər xam neftin alınacağı bildirilib.
Qeyd edilib ki, yeni alışlar Texasdakı Big Hill Strateji Neft Ehtiyatı üçün ediləcək.
Xam neftin qiyməti 1983-cü ildən bəri ən aşağı səviyyəyə düşüb.
ABŞ prezidenti Co Bayden Rusiyanın Ukraynada başladığı müharibədən sonra ABŞ-da benzinin qiymətinin sürətlə artması fonunda ötən ilin mart ayında ölkənin strateji neft ehtiyatlarından 180 milyon bareldən çox neftin çıxarılmasına icazə verib.
Ölkənin ehtiyatlarından neft satışı ilə ABŞ-ın strateji ehtiyatında olan xam neftin nisbəti 1983-cü ildən bəri ən aşağı səviyyəyə enərək enerji təhlükəsizliyi ilə bağlı narahatlıqları artırdı.
ABŞ administrasiyası ötən ilin dekabrında strateji neft ehtiyatı üçün fevralda tədarük olunacaq 3 milyon barrel xam neft alacağını açıqlamışdı.
