Avropa İttifaqı (Aİ) Komissiyasının sədri Ursula von der Leyen Macarıstanın təxminən 20 milyard avro vəsaitinin dondurulduğunu xatırladaraq, bütün lazımi şərtlər yerinə yetirilməyənə qədər vəsaitin buraxılmayacağını bildirib.
Bu barədə interpress.az xarici mediaya istinadən xəbər verir.
Von der Leyen Strasburqda keçirilən Avropa Parlamentinin (AP) Baş Assambleyasının sessiyasında çıxış edib:
“Sərhədlərimizdən bir qədər kənarda iki qanlı müharibə gedir. İnsanlar çox böyük əziyyət çəkirlər. Zərbə dalğaları Ukrayna və Qəzzanın hüdudlarından kənarda da hiss olunur. Rusiyanın başlatdığı enerji və ərzaq böhranından sonra Husilərin Qırmızı dənizdəki hücumları səbəbindən qlobal ticarət pozulur”.
Von der Leyen dünyanın çağırış, qarşıdurma, parçalanma və qorxu dövrünə qədəm qoyduğunu və bu halda məsələlərin Aİ daxilində məsuliyyətlə diqqət mərkəzində saxlanılmalı olduğunu vurğulayıb.
AB-nin üzləşdiyi çətinliklərin ancaq üzv dövlətlərin birlikdə hərəkət etməsi ilə aradan qaldırıla biləcəyinə diqqət çəkən fon der Leyen gücün birlikdən yaranacağını xatırladıb.
Von der Leyen Ukrayna ilə Aİ-yə üzvlük danışıqlarına başlamaq qərarının verildiyini xatırladıb və bildirib ki, Ukrayna xalqı bu məqsədə çatmaq üçün təkcə döyüş meydanında deyil, həm də demokratik təsisatların fəaliyyətinin təkmilləşdirilməsi istiqamətində intensiv səylər göstərir.
