Almaniyanın İsrailə hərbi dəstək təklifinə cavab verilməyib.
Bu barədə İnterpress.az xarici mediaya istinadən xəbər verir.
Almaniyanın müdafiə naziri Boris Pistorius İsrailə dəstək təklif etdiklərini, lakin İsrailin hərtərəfli hərbi dəstək istədiyi mesajı almadıqlarını bildirib.
“Handelsblatt” qəzetinə müsahibə verən Pistorius son 30 ildə daha müharibə olmayacağını düşündüklərini, lakin bu günə çatan nöqtədə dünyada artan qarşıdurmaların narahatlıq doğurduğunu ifadə edib.
“Almaniya həm Ukraynaya, həm də İsrailə silah tədarükü ilə dəstək verə bilərmi, yoxsa bu çox olardı?” sualınl cavablandıran Pistorius deyib:
“Silahlarla bağlı iki ölkə arasında rəqabət görmürəm. Ukrayna və İsrail çox fərqli rəqiblərlə və buna görə də fərqli hərbi ehtiyaclarla üzləşirlər. İsrail çox yaxşı təchiz olunub. Kansler Olaf Şolz İsrail Baş naziri ilə görüşür. O, nazir Binyamin Netanyahu və mən də müdafiə naziri Yoav Gallant ilə görüşürəm”.
“İsrailə dəstək təklif etdik. Hələlik İsrailin hərtərəfli hərbi dəstək istədiyinə dair heç bir əlamət yoxdur”, – o cavab verib.
