Çin hökuməti tərəfindən idarə olunduğu iddia edilən xaker qrupu Quam adası da daxil olmaqla, ABŞ-ın bir çox yerində elektron sistemləri sındırıb.
Bu barədə İnterpress.az xarici mediaya istinadən xəbər verir.
Microsoft müxtəlif telekommunikasiya sistemlərində görünən sirli kompüter kodu aşkar edib. Microsoft və Five Eyes kəşfiyyat alyansı Çin dövlətinin dəstəklədiyi bir qrupun ABŞ-ın Quam bölgəsi də daxil olmaqla kritik Amerika infrastrukturunu sındırdığı barədə xəbərdarlıq edib.
ABŞ-ın Kibertəhlükəsizlik və İnfrastruktur Təhlükəsizliyi Departamenti (CISA) Böyük Britaniya, Kanada, Avstraliya və Yeni Zelandiyadakı “Beş Göz” tərəfdaş təşkilatları ilə birgə xəbərdarlıq edib ki, “Volt Tayfun” hakerləri bütün beş ölkə üçün təhlükə yaradır.
Quamda ABŞ-ın üç hərbi bazası yerləşir və ABŞ Çinin Tayvana qarşı hər hansı mümkün hərbi hücumuna və ya Tayvanın blokadasına cavab verərsə, Sakit okeanın qərbindəki adası mühüm strateji rol oynaya bilər.
Əməliyyatın ehtimal məqsədi gələcək böhranlar zamanı ABŞ və Asiya regionu arasında kritik kommunikasiya infrastrukturunu pozmaqdır.
Microsoft öz bloq yazısında bildirib ki, Çində yerləşən dövlət tərəfindən maliyyələşdirilən aktyor adətən casusluq və məlumat toplamaya diqqət yetirir: “Volt Typhoon 2021-ci ilin ortalarından aktivdir və Quamda və ABŞ-ın başqa yerlərində kritik infrastruktur təşkilatlarını hədəf alıb. Bu kampaniyada təsirə məruz qalan təşkilatlar rabitə, istehsal, xidmət, nəqliyyat, tikinti, dənizçilik, hökumət, informasiya texnologiyaları və təhsil sektorlarını əhatə edir. Müşahidə edilən davranışlar göstərir ki, təhdid aktyoru casusluq etməyi və hər hansı məqsəd üçün aşkarlanmamış girişi saxlamağı planlaşdırır”.
