Ağdaş rayonunda “Azərişığ”ın elektrik cərəyanı vurması nəticəsində xəstəxanaya yerləşdirilən əməkdaşı da ölüb.
Bu barədə İnterpress.az-a yerli sakinlər məlumat verib.
Bildirilib ki, hadisə zamanı xəsarət alan 1986-cı il təvəllüdlü Elşən Mustafayev müalicə olunduğu xəstəxanada dünyasını dəyişib.
Qeyd edək ki, hadisə dekabrın 16-da baş verib. Həmin vaxt “Azərişıq ASC”nin Ağdaş şəhəri ərazisindəki elektrik şəbəkəsinin inzibati binasının həyətyanı sahəsində təmir işləri görən əməkdaşları – 1986-cı il təvəllüdlü Elşən Mustafayev və 1983-cü il təvəllüdlü Ceyhun Nəbiyevi elektrik cərəyanı vurub.
C.Nəbiyev hadisə yerində ölüb, yanıq xəsarətləri alan E.Mustafayev isə xəstəxanaya yerləşdirilmişdi.
Faktla bağlı rayon prokurorluğunda araşdırma aparılır.
