Belçika hökuməti COVID-19 epidemiyası zamanı tədarük edilən və istifadə müddəti bitmiş 131 milyon avroluq peyvənd və tibbi ləvazimatları məhv edəcək.
Bu barədə İnterpress.az xarici mediaya istinadən xəbər verir.
Məhv ediləcək peyvəndin miqdarının 3,5 milyon doza olduğu bildirilir ki, bu da Belçikanın indiyə qədər almağı planlaşdırdığı 54 milyon dozanın 6,5 faizinə bərabərdir.
Bildirilib ki, məhv ediləcəklər virusun ilk variantına qarşı ilk istehsal və inkişaf etdirilən peyvəndlərdir.
Vaksinlərlə yanaşı, istifadə müddəti bitmiş, standartlara uyğun gəlməyən bir çox test dəstləri və maskaların da məhv ediləcəklər arasında olduğu qeyd edilib.
Tibbi ləvazimat və peyvəndlərlə yanaşı, 131 milyon avroluq məhsul məhv ediləcək. Məhv 310 min avroya başa gələcək.
Belçikanın Səhiyyə Naziri Frank Vandenbrouk, mövzu ilə bağlı etdiyi şərhdə, “Görünməmiş və olduqca qeyri-müəyyən bir sağlamlıq böhranı zamanı, bir hökumətə görə, xalqı qorumaq üçün əlindən gələni etməkdir. Buna görə də, epidemiyanın ilk dalğasında, təchizatın az olduğu bir vaxtda, əvvəlki hökumət böyük miqdarda tibbi ləvazimat aldı. İndi onları məhv etməliyik.” ifadəsini işlətdi
Vandenbroukke, bütün Avropa ölkələrində yüksək miqdarda peyvəndin məhv edildiyini və ya məhv ediləcəyini, Belçikadakı yüksək peyvənd nisbətləri sayəsində məhv ediləcək miqdarın digər ölkələrlə müqayisədə aşağı olaraq qaldığını bildirib.
