Belçikada dəmiryol işçiləri 3 günlük tətilə başlayıblar.
Bu barədə İnterpress.az yerli mediaya istinadən xəbər verir.
Belə ki, Belçikada dəmiryolçuların 3 günlük tətili səbəbilə nəqliyyatda ciddi problemlər yaranıb.
Dəmiryolçular maaşların azlığı, işçilərin məişət şəraitinin yaxşılaşdırılmaması və kadr çatışmazlığı səbəbindən dünən saat 22:00-dan etibarən tətilə başlayıb.
Bu isə avtomobil daşımalarına tələbatın artmasına səbəb olub. Ölkədə nəqliyyatın hərəkəti ciddi şəkildə pozulub.
Qatarların bir hissəsi noyabrın 30-da və dekabrın 1-də işləyəcək.