Birləşmiş Millətlər Təşkilatı öz problemlərinin öhdəsindən gəlməyə çalışan inkişaf etməkdə olan ölkələrin münaqişə zonalarından qaçanların üzünə qapılarını açdığını bildirərək qlobal həmrəyliyə çağırıb.
Bu barədə İnterpress.az xarici mediaya istinadən xəbər verir.
Birləşmiş Millətlər Təşkilatının (BMT) sözçüsü Stephane Dujarric Sudan və ümumilikdə münaqişədən qaçan insanlar haqqında danışıb.
Düjarrik, münaqişədən qaçan insanlara qapılarını açan ölkələrin çox vaxt öz problemləri və “real sınaqları” ilə məşğul olan inkişaf etməkdə olan ölkələr olduğuna diqqət çəkib.
Bunun Banqladeş və Çad kimi ölkələrdə açıq şəkildə göründüyünü ifadə edən Dujarrik deyib ki, bu, qlobal həmrəyliklə bölünməsi lazım olan bir məsələdir.
Dujarrik BMT-nin Sudanda sülh üçün tək-tək rol oynamadığına diqqət çəkərək, bir çox fərqli sülh təşəbbüslərinin olduğunu və BMT-nin onları dəstəklədiyini bildirib.
Beynəlxalq Miqrasiya Təşkilatı (IOM) aprelin ortalarından bəri Sudanda vətəndaş müharibəsi nəticəsində didərgin düşmüş insanların sayının 3 milyonu keçdiyini açıqlayıb. Beynəlxalq Miqrasiya Təşkilatının paylaşdığı son məlumatlara görə, 2 milyon 414 min insan münaqişələr səbəbindən ölkə daxilində fərqli bölgəyə qaçıb, 737 min nəfər isə qonşu ölkələrə sığınıb.
