Böyük Britaniya piylənmə ilə əlaqəli xəstəlikləri azaltmaq üçün arıqlama inyeksiyasını təsdiq etməyə hazırlaşır.
Bu barədə İnterpress.az xarici mediaya istinadən xəbər verir.
Xəstəxanalardakı piylənmə ilə bağlı yükü azaltmaq üçün pilot proqram çərçivəsində Wegovy adlı iynəni təsdiqləməyə hazırlaşan İngiltərədə bir xəstənin bu iynədən maksimum iki il istifadə etməsinə icazə veriləcək.
Milli Sağlamlıq Xidmətinin (NHS) apardığı araşdırmanın sonunda bu iynə ilə bədən çəkisinin yüzdə 10-unun itirildiyi müəyyən edilib.
İynə iştahı yatır və insanlara toxluq hissi verir və daha az yeməyə kömək edir.
İngiltərə Baş naziri Rishi Sunak bu iynənin böyük bir dəyişiklik gətirə biləcəyini və arıqlama xidmətlərinə 40 milyon lirəlik büdcə ayrılacağını açıqlayıb.
Bununla belə, mütəxəssislər ABŞ-da bir çox məşhurların reklam etdiyi bu cür inyeksiya və dərmanlar barədə xəbərdarlıq edərək, sağlam qidalanma və idmanın həll yolu ola biləcəyini vurğulayırlar.
Dərmanın sınaq müddəti ərzində bəzi istifadəçilərin müalicə bitdikdən sonra çəkilərini bərpa etdiyi müşahidə edilib.
Böyük Britaniya dərmanı hələ təmin etməyib, lakin on minlərlə insanın narkotikdən istifadə edə biləcəyi düşünülür.
BBC-nin səhər proqramına danışan İngiltərə Səhiyyə naziri Stiv Barklay obezitenin xərçəng və diabetə mənfi təsirlərinə diqqət çəkib.
Böyük Britaniyada təxminən 12 milyon yetkin obezdir. Bu o deməkdir ki, hər dörd böyükdən biri obezdir.
Dərmanın ən çox görülən yan təsirləri başgicəllənmə, şişkinlik, qaz və mədə narahatlığıdır.
