Aprelin 15-dən bəri qarşıdurmalara səhnə olan Sudan sərhədində fransız əsgərlərinin icazəsiz kəşfiyyat apardığı iddia edilib.
Bu barədə İnterpress.az xarici mediaya istinadən xəbər verir.
Əsgərlərin Çad ordusu tərəfindən saxlanıldığı açıqlanıb.
Həftələrlə qanlı mübarizəyə səhnə olan Sudan sərhədi yenə qarışıb.
Çad əsgərlərinin fransız əsgərlərini saxladığı iddia edilir. Qeydlərdə saxlanılan əsgərlərin forma geyinmiş və silahlı olduğu görünürdü.
İddiaya görə, Çad ordusunun əsgərləri Fransa əsgərlərini icazəsiz olaraq bölgədə kəşfiyyat apardıqları üçün nəzarətə götürüblər.
Fransız əsgərlərinin Sudandakı qarşıdurmaları Çad sərhədindən izlədiyi iddia edilib.
Bildirilib ki, hadisə iyunun 8-də baş verib və görüntülər yenicə ortaya çıxıb.
Onun qonşusu Çad Sudandakı münaqişələrdən ən çox zərər çəkən ölkələrdən biridir.
Münaqişələrdən qaçan sudanlılar Çada köçürlər. Bazar günü səhər Sudanda ölkəyə humanitar yardımın çatdırılması üçün atəşkəs elan edilib.
72 saatlıq atəşkəsin sabaha qədər davam edəcəyi gözlənilir. Birləşmiş Millətlər Təşkilatı və Afrika Birliyi də tərəfləri atəşkəsə əməl etməyə çağırıb.
Sudanda əvvəllər də dəfələrlə atəşkəs elan edilib, lakin tərəflər atəşkəsi pozub.
Bu qüvvələrlə ordu arasında başlayan gərginlik aprelin 15-də silahlı qarşıdurmaya çevrilib.
Ölkədə üçüncü ayına qədəm qoyan qarşıdurmada minə yaxın insan həyatını itirib, 5 minə yaxın insan isə yaralanıb.
