Doğulduqdan sonra rəsmi qeydiyyata alınmayan körpələrlə bağlı başladılan istintaqda ölü olduğu müəyyən edilən körpələrin sayının 23-ə, araşdırılan işlərin sayının isə 598-ə yüksəldiyini bildirib.
Bu barədə İnterpress.az xarici mediaya istinadən xəbər verir.
Ölkədə qeydiyyatı olmayan körpələrlə bağlı aparılan istintaqda yeni inkişaflar qeydə alınıb.
Açıqlamada ölkə üzrə qeydiyyata alınmayan körpələrlə bağlı 664 bildirişin daxil olduğu, bu xəbərlərlə bağlı başlanan araşdırmada rəsmi qeydlərdə olmayan körpələrin sayının 400-dən 598-ə yüksəldiyi bildirilib.
İstintaq çərçivəsində dünən 15 olaraq açıqlanan ölən körpələrin sayının 23-ə yüksəldiyi bildirilib.
Araşdırma iyun ayında Suvon şəhərində bir qadının 2018 və 2019-cu illərdə öldürdüyü iki körpəni dondurucuda saxladığını etiraf etməsi ilə başlayıb.
İyulun 4-də verilən açıqlamada doğulduqdan sonra rəsmi qeydiyyatı olmayan körpələrlə bağlı başladılan araşdırmalar çərçivəsində 12 körpənin öldüyü bildirilib.
2015-ci ildən sonra doğulan 2236 körpə rəsmi qeydiyyata alınmayıb.
Cənubi Koreya Nəzarət və Təftiş Şurasının verdiyi açıqlamada ölkədə 2015-2022-ci illər arasında xəstəxanaya yerləşdirilən, lakin əhali qeydlərində qeydiyyatda olmayan 2236 körpənin olduğu bildirilib.
Rəsmi qeydiyyatı olmayan körpələrdən 1263-nün paytaxt Seul və ətraf rayonlardan olduğu qeyd edilib.
Şuranın körpələrin vəziyyətini öyrənmək üçün araşdırmaya başlamağı planlaşdırdığı bildirilib.
Cənubi Koreya qanunlarına görə, səhiyyə müəssisələri yeni doğulmuş körpələr haqqında dövlət orqanlarına məlumat verməli deyillər.
Valideynlər övladlarını doğulduqdan sonra bir ay ərzində qeydiyyata almalıdırlar.
Doğum haqqında məlumat verilmədiyi halda, heç bir maneə törətmədən aşağı cərimələr tətbiq edilir.
