Çində 3 il həbsdə olan avstraliyalı jurnalist bildirib ki, onun cinayəti “nəşr qadağasını pozmaq”dır.
Bu barədə İnterpress.az yerli mediaya istinadən xəbər verir.
Çində “casusluq” ittihamı ilə 3 il həbsdə qaldıqdan sonra sərbəst buraxılan avstraliyalı jurnalist Çinq Ley Çin Qlobal Televiziya Şəbəkəsində (CGTN) çalışarkən “yayım qadağasını pozduğu” üçün həbs edildiyini açıqlayıb.
Çinq azadlığa çıxdıqdan sonra “Sky News Australia”ya verdiyi müsahibədə Çində həbs olunması ilə bağlı açıqlamalar verib.
2020-ci ilin avqustunda Çində saxlanılarkən dövlət televiziyası CGTN-də aparıcı olduğunu deyən Çınq, həbsinin səbəbinin yayım zamanı Pekin hökumətinin bir neçə dəqiqəlik yayım qadağasını pozması olduğunu söyləyib.
Çınq sözügedən nəşr qadağası ilə bağlı təfərrüatları açıqlamayıb.
2020-ci ilin avqustunda Çində saxlanılan və 2021-ci ilin fevralında “casusluq” ittihamı ilə həbs edilən Çinq azadlığa çıxdıqdan sonra oktyabrın 11-də Avstraliyaya qayıdıb.
Avstraliyanın xarici işlər naziri Penny Wong oktyabrın 12-də verdiyi açıqlamada, Çində casusluq ittihamı ilə 3 il həbsdə olan çinli və avstraliyalı jurnalist Çinq Leyin sərbəst buraxılmasından sonra iki ölkə arasında münasibətlərin yaxşılaşdığını qeyd edib.
