Danimarka Ukraynalı pilotlara F-16 təhsili verməyə başladıqlarını açıqlayıb.
Bu barədə İnterpress.az xarici mediaya istinadən xəbər verir.
Danimarkanın müdafiə naziri vəzifəsini icra edən Troels Lund Poulsen Ukraynaya F-16-ları bağışlamağı düşündüklərini və qiymətləndirdiklərini söyləyib.
Nazir vəzifəsini icra edən Poulsen bildirib ki, Ukraynaya F-16 yardımı edə bilmək üçün ukraynalı pilotlar bu sahədə 6-8 aylıq təlim keçməlidirlər və bu təlimlərə başlanılıb.
Danimarka donanmasında olan F-16 təyyarələrini əvəz etmək üçün 27 F-35A təyyarəsi sifariş edib. Yeni döyüş təyyarələrinin 2023-cü ilin sonundan Danimarka Silahlı Qüvvələrinin inventarına daxil olacağı gözlənilir.
Ukraynaya F-16-ların tədarükü üçün Hollandiya və Danimarka başda olmaqla ölkələr may ayında NATO-da geniş istifadə olunan ABŞ istehsalı olan F-16 döyüş təyyarələri üçün ukraynalı pilotlara təlim keçmək barədə razılığa gəliblər.
