Suriyanın şimal-qərbindəki İdlib vilayətində Bəşər Əsəd rejiminin həyata keçirdiyi hücumlarda ilkin təsbitlərə görə 3 mülki vətəndaş həyatını itirib, 2 mülki vətəndaş isə yaralanıb. Rejim ordusu qurudan quruya silahlarla İdlib şəhər mərkəzini və Cebel Zaviye dağındakı kəndləri hədəfə alıb.
Bu barədə İnterpress.az xarici mediaya istinadən xəbər verir.
Xəstəxana mənbələrindən alınan məlumata görə, ilkin təsbitlərə görə, şəhər mərkəzindəki Dubeyt səmtinə edilən hücumda 3 mülki vətəndaş həyatını itirib, 2 mülki vətəndaş isə yaralanıb.
Yaralılar Mülki Müdafiə (Ağ Dəbilqəlilər) qrupları tərəfindən xəstəxanalara aparılıb.
Ölən və yaralananların sayının artacağından ehtiyatlanır.
2017-ci ildə keçirilən Astana görüşündə Türkiyə, Rusiya və İran Suriya administrasiyasının nəzarətində olmayan ərazidə 4 “deeskalasiya zonası” yaratmaq qərarına gəliblər.
Dəməşq rəhbərliyi, İranın dəstəklədiyi terrorçular və Rusiya hücumlarını davam etdirərək 4 bölgədən 3-nü ələ keçirərək İdlibə doğru irəliləyib.
Türkiyə 2018-ci ilin sentyabrında atəşkəsi gücləndirmək üçün Rusiya ilə əlavə razılaşma əldə etsə də, 2019-cu ilin mayında hücumlar yenidən güclənib.
Türkiyə və Rusiyanın 5 mart 2020-ci ildə əldə etdiyi yeni razılaşmadan sonra atəşkəs əsasən qorunub.
2017-2020-ci illərdə hücumlardan qaçan 2 milyona yaxın mülki şəxs Türkiyə sərhədinə yaxın bölgələrə köç etmək məcburiyyətində qalıb.
