Cənubi Amerika ölkəsi Ekvadorda martın 27-də baş verən sürüşmə nəticəsində həyatını itirənlərin sayı 65-ə çatıb.
Bu barədə İnterpress.az xarici mediaya istinadən xəbər verir.
Çimborazo əyalətinin Alausi qəsəbəsində baş verən sürüşmədə yeni cəsədlərin aşkar edildiyi bildirilib.
Təbii fəlakətdə həyatını itirənlərin sayının 65-ə yüksəldiyi, itkin düşənlərin hələ də olma ehtimalı səbəbiylə axtarış işlərinin bir müddət davam edəcəyi qeyd edilib.
Sürüşmə nəticəsində 163 evin dağıldığı, 60 evin tamamilə dağıldığı, 56 nəfərin həyatını itirdiyi açıqlanıb. Bu müddət ərzində onlarla ailənin evsiz qaldığı görüntülərdə öz əksini tapıb.
Yerli mətbuatda yayılan xəbərlərdə bölgədəki dağda bir müddətdir çatların əmələ gəldiyi və bunun da sürüşməyə səbəb olduğu iddia edilib.
