Ermənistan Müdafiə Nazirliyi hərbi personalın 3 aylıq təlimlərə qatılma qaydası ilə bağlı izahat verib. avqustun 25-dən noyabrın 25-dək Ermənistanda zabit heyəti üçün təlimlər keçiriləcək.
Müdafiə Nazirliyi 3 aylıq dövrdə təlim iştirakçılarının geolokasiya, film çəkmək, internetə qoşulmaq funksiyaları olan smartfon istifadə etməyəcəyini açıqlayıb:
“Hərbi xidmət və hərbi qulluqçuların statusu haqqında” Qanunun tələbinə əsasən, ehtiyatın birinci kateqoriyasında qeydiyyatdan keçmiş əsgər, kiçik zabit və zabitlər 3 aylıq təlim dövründə əsgər hesab olunacaqlar.
Buna görə də nazirlik onlara təlim ərzində qanunvericilik və digər hüquqi aktlarda nəzərdə tutulmuş məhdudiyyətlərə riayət etmək məcburiyyətində olduqlarını xatırladır”.