Filippindəki Mayon vulkanının lava püskürməsi səbəbindən vulkanın yaxınlığından 13 minə yaxın insan təxliyə edilib.
Bu barədə İnterpress.az xarici mediaya istinadən xəbər verir.
Vulkanın ətrafındakı “daimi təhlükəli” ərazidə və ya vulkanın 6 kilometrliyində olanlar sığınacaqlara köçürülüb.
Mayon vulkanı keçən həftə lava püskürməyə başladı. Lakin vulkanın intensiv lava püskürməsindən sonra evakuasiya edilib.
Ölkənin baş vulkanoloqu Teresito Bakolkol bildirib ki, vulkanın vəziyyətindən asılı olaraq daha çox insan təxliyə edilə bilər.
Bacolcol, vulkanik qazları olan süxurların lavadan daha sürətli hərəkət etdiyini qeyd edib.
Bikol yarımadasında yerləşən Mayon vulkanı ölkənin ən aktiv vulkanlarından biridir.
