Xaşuridə 9-cu sinif şagirdi, 14 yaşlı qız ölü tapılıb.
İnterpress.az yerli mətbuata istinadən xəbər verir ki, əraziyə təcili tibbi yardım çağırılsa da huşsuz vəziyyətdə olan yeniyetmənin həyatını xilas etmək mümkün olmayıb.
İddia edilir ki, yeniyetmənin adı iki il əvvəl cinsi istismarda hallanıb və o hadisə ilə bağlı doğma babasını ittiham edib. Polis iki il əvvəl sözügedən şəxsi həbs etmişdi və o hazırda cəzaçəkmə müəssisəsindədir.
Yeniyetmə qızın cəsədi tibbi ekspertizaya aparılıb.
Faktla bağlı Cinayət Məcəlləsinin 115-ci maddəsi əsasında (özünü öldürməyə çatdırmaq) istintaq başladılıb.
