Türkiyə Respublikasında dərmanlar üçün avro/lirənin sabit məzənnəsinə yenidən baxılması qərarı Gürcüstana idxal edilən türk dərmanının qiymətinə təsir etməyəcək.
Bu barədə İnterpress.az xarici mediaya istinadən xəbər verir.
“İctimaiyyəti məlumatlandırmaq üçün izah edirik ki, larinin türk lirəsinə nisbətdə məzənnəsi 2023-cü ildən bəri 46% möhkəmlənib. Müvafiq olaraq, larinin güclənməsi fonunda Türkiyədə bahalaşan dərmanlar Gürcüstanda dərmanların qiymətinə təsir etməyəcək və gürcü şirkətləri Türkiyənin dərman bazarında daha ucuz qiymətə dərman alıb idxal edə biləcəklər.
Xatırladırıq ki, Türkiyədə dərmanların qiymətləri 2022-ci ildə bir neçə dəfə tənzimlənib, lakin larinin məzənnəsinin lirəyə nisbətdə möhkəmlənməsi səbəbindən bu qərar Türkiyədən Gürcüstana dərman idxalının qiymətinə təsir etməyib. Gürcüstan üçün Türkiyənin dərman bazarı 2022-ci ilin yanvarında açılıb. Nəticədə dərmanların qiyməti 70-80% ucuzlaşıb.
Türkiyə dərman bazarının açılması nəticəsində Gürcüstan əhalisi hər il təxminən 200 milyon lariyə qənaət edir”, – Səhiyyə Nazirliyi bildirib.
