Arqon Milli Laboratoriyasının və Ohayo və İllinoys-Çikaqo universitetlərinin bir qrup alimi dünyada ilk dəfə olaraq tək atomun rentgen şüalarını çəkiblər.
Bu barədə İnterpress.az xarici mediaya istinadən xəbər verir.
Belə ki, bir dəmir və terbium atomunu seçərək, komanda Sinxrotron X-ray Skanlayan Tunel Mikroskopiyası (SX-STM) kimi tanınan qabaqcıl texnikadan istifadə edərək fərdi atomları müəyyən edib.
SX-STM rentgen şüaları ilə həyəcanlanmış elektronları toplamaq üçün nümunəyə son dərəcə yaxın yerləşdirilmiş kəskin metal ucdan ibarətdir.
Araşdırmanı şərh edən aparıcı tədqiqatçı Prof. Swa Wai Hla, araşdırmanın ətraf mühit, tibbi və kvant tədqiqatlarında yeni kəşflərə yol açacağına diqqət çəkib.
Tədqiqat “bəşəriyyətin taleyini dəyişdirmək” üçün əhəmiyyətli potensiala malikdir.
Adı çəkilən araşdırmanın bəşəriyyətin taleyini dəyişdirmə potensialına sahib olduğunu qeyd edən Sva deyib ki, bu ixtira dünyanı dəyişəcək.
Swa qeyd edib ki, atomları Scanning Probe Microscopes (SPM) ilə müşahidə etmək olar, lakin onların kimyəvi quruluşunu rentgen şüaları olmadan müəyyən etmək mümkün deyil.
Tək atomun rentgen şüaları ilə müşahidə edildiyi tədqiqatın məqsədinin nano və kvant elmləri üzərində dayanaraq tək nadir torpaq atomuna ətraf mühitə təsirini araşdırmaq olduğu vurğulanıb.
Araşdırma “Nature” jurnalında dərc olunub.
