Böyük Britaniya Milli Statistika İdarəsinin (ONS) məlumatlarına görə, 2 milyon 550 min insan uzunmüddətli sağlamlıq problemləri səbəbindən işləyə bilmir.
Bu barədə İnterpress.az xarici mediaya istinadən xəbər verir.
Məlumata görə, əmək qabiliyyətli əhalinin 6 faizini təşkil edən 2 milyon 550 min nəfər uzunmüddətli sağlamlıq problemləri səbəbindən yanvar-mart aylarını əhatə edən bu ilin birinci rübündə işləyə bilməyib.
Əvvəlki rüblə müqayisədə təxminən 100 min nəfər artan işsizlərin sayına təsir edən sağlamlıq problemləri arasında COVID-19 ilə əlaqəli virus infeksiyasından sonra yorğunluq və COVID-19-un tətiklədiyi digər xəstəliklər də yer alıb.
Gənclər arasında psixi sağlamlıq problemləri ön plana çıxsa da, son 3 ildə evdən işləmənin artması ilə xüsusilə boyun və baş bölgəsində görülən problemlər də sağlamlıq problemi olaraq göstərilib.
