Avqust ayında İngiltərədə Bibby Stockholm gəmisinə yerləşdirilən nizamsız immiqrantlar, suda bakteriya səbəbiylə 4 gün qaldıqdan sonra tərk etdikləri gəmiyə yerləşdirilməyə başlanılıb. Bu barədə İnterpress.az xarici mediaya istinadən xəbər verir. İngiltərə Daxili İşlər Nazirliyindən verilən açıqlamada bu gündən etibarən Portlend Limanında immiqrantların gəmiyə qaytarılmasına başlanıldığı, gəmidəki bütün yoxlamaların tamamlandığı və hamısının qənaətbəxş olduğu bildirilib.
Yaxın günlərdə tədricən daha çox immiqrantın gəmiyə yerləşdiriləcəyi və bunun hökumətin bahalı otellərdən istifadəni azaltmaq və vergi ödəyicilərinə daha sərfəli və davamlı alternativ yerləşdirmə variantları təqdim etmək öhdəliyinin bir hissəsi olduğu bildirilib.
Ölkə mətbuatında yer alan xəbərə görə, gəmiyə əvvəlcə 21 qeyri-qanuni mühacir yerləşdirilib. İngiltərə, ölkədəki təxminən 50 min qeyri-qanuni immiqrantı yerləşdirmək üçün immiqrantları hərbi obyektlərdə və barjalarda istifadə olunmayan binalar üzərində inşa edilmiş üzən strukturlarda qəbul etməyə qərar verib.
Ölkədəki otellərdə yerləşdirilən mühacirlərin baha başa gəldiyinə görə köçürülməsinə qərar verildiyi açıqlansa da, bu məqsədlə immiqrantların yerləşdiriləcəyi ilk gəmi olaraq Bibby Stockholm gəmisi gündəmdə idi.
Avqustun 7-də ölkənin cənubundakı Portlend Harbora lövbər salan gəmi ilə 39 nəfərdən ibarət ilk mühacir qrupu gəlməyə başlayıb.
İlkin olaraq 50 qaçqının yerləşdirilməsi planlaşdırılan gəmi içməli su sistemində tapılan legionella bakteriyasına görə avqustun 11-də təxliyyə edilib.
Daha əvvəl yanğın təhlükəsizliyi problemlərinə görə immiqrantların gəlişini iki dəfə təxirə salan və legionella səbəbiylə iki ay boş qalan Bibby Stockholm gəmisi 18-65 yaş arası kişi qaçqınları qəbul edəcək.
QHT-lər Bibbi Stokholmu “həbsxana gəmisi” adlandırıb
Gəmidə qalması planlaşdırılan 500-ə yaxın immiqrantın 18 ay ərzində Bibby Stokholma gətirilməsi planlaşdırıldığı halda, 2 mindən çox qeyri-qanuni immiqrantın Lincolnshire və Essex bölgələrindəki iki hava bazasındakı istifadəsiz binalara köçürülməsi planlaşdırılır.
Ölkədəki immiqrantları dəstəkləyən qeyri-hökumət təşkilatları və insan haqları təşkilatları sığınacaq axtaranların gəmilərdə yerləşdirilməsinin “qeyri-insani” olduğunu müdafiə edərək, Bibbi Stokholmu “həbsxana gəmisi” adlandırıblar.
