İsrail hərbçiləri bildiriblər ki, gələn raketlər barədə xəbərdarlıq etmək üçün İsrailin şimalındakı şəhərlərdə sirenlər çalır.
Bu barədə İnterpress.az xarici mediaya istinadən xəbər verir.
Məlumata görə, Livan sərhədi bombalanır.
Açıqlamada qeyd olunub ki, İsrailin sərhəddəki hərbi kontingent bazası və gözətçi qülləsi idarə olunan raketlə vurulub.
Hücum nəticəsində İsrail tərəfində ölən və yaralananların olduğu iddia edilib.
İsrail ordusundan verilən açıqlamada Livandan raket hücumu edildiyi və buna cavab verildiyi bildirilib.
Açıqlamada İsrail ordusunun Livanda 2 hərbi hədəfi vurduğu, Livanın Şebaa Farmlarında İsrail əsgərlərinə yüngül silahlarla atəş açaraq cavab verdiyi qeyd edilib.
