Kavelaşvilinin andiçmə mərasimi Gürcüstanda siyasi böhranı daha da pisləşdirə bilər.
İnterpress.az xəbər verir ki, bu barədə Polşanın Şərqi Avropa Araşdırmaları Mərkəzi OSW yazır.
Bildirilir ki, dekabrın 29-u Gürcüstan üçün yeni prezident Kavelaşvilinin andiçmə mərasiminin siyasi böhranı daha da pisləşdirməklə təhdid etdiyi zaman həlledici gün ola bilər.
Qeyd olunur ki, onun siyasi qeyri-sabitlik və etirazlar şəraitində seçildiyi vaxtdan onun mandatı mübahisəli olaraq qalır ki, bu da ölkədə ikili hakimiyyət vəziyyətinin yaranmasına gətirib çıxara bilər.
“Müxalifət ardıcıl fəaliyyət planı olmadan inauqurasiyanın legitimliyinə etiraz etməyə cəhd edə bilər ki, bu da daxili qütbləşməni artıracaq və cəmiyyətdə gərginlik yaradacaq.
Bu kontekstdə, dekabrın 29-da, Kavelaşvili rəsmi olaraq vəzifəyə başladıqda ölkə daha böyük problemlərlə, o cümlədən prezident Zurabişvilini həbs etmək cəhdləri və etirazların daha da genişlənməsi ilə üzləşə bilər.
Bu vəziyyət ölkədə sabitliyi pozmaqla yanaşı, Qərblə münasibətlərin pisləşməsinə də səbəb ola bilər. Gürcüstan hakimiyyəti ölkəni beynəlxalq siyasətdə təcrid etmək riski ilə üzləşir ki, bu da Rusiya və Çinin regionda təsirinin artması ehtimalını artırır”, – məqalədə qeyd olunur.
Xuraman Etibarlı
İnterpress.az
