Tehrandan İstanbula uçan təyyarə Təbrizdə təcili eniş edib.
İnterpress.az xəbər verir ki, bu barədə “Sepah Pasdaran” Telegram kanalı məlumat yayıb.
“İran Air” aviaşirkətinə məxsus, göyərtəsində 116 sərnişin olan Tehrandan İstanbula uçan təyyarə texniki nasazlıq səbəbindən Təbriz hava limanında təcili eniş edib.
Məlumata görə, bütün sərnişinlər təhlükəsiz vəziyyətdədir və tranzit zonasına yerləşdiriliblər.
Hazırda texniki nasazlığın aradan qaldırılması və ya sərnişinlər üçün alternativ reysin təşkil olunması məsələsi həll edilir.
Xuraman Etibarlı
İnterpress.az
